مكن نشوف السدّ على إنو شي جامد وكبير، وممكن نشوفو شي بيجمع الميّ أهم عنصر بالحياة، وعلى الأكيد إنو ب آب 2023 السدّ رح يخلق أمل وفرح، وهيك مع سد شبروح يلّي رح يستضيف للمرّة الثالثة نشاط تحت عنوان Extreme Energy Event 3rd Edition برعاية وزارة الطاقة والمياه ومن تنظيم جمعية لَ كسروان يلّي بتترأسها نائبة كسروان _ الفتوح ندى البستاني خوري.
هل نشاط الرياضي السياحي الترفيهي بيحترم كافة الشروط البيئية وبحافظ على سلامة المياه وعلى السلامة العامة يلّي دايماً بتكون هي الأولوية على كل شي ثاني.
من 11 وحتى 13 آب رح يمتد مشوارنا يلّي بيشمل Hiking بطبيعة جرود كسروان مع سباق ترياتلون بيتضمن بالتراتبية سباحة ودراجات هوائية وبيخلص بالركض بمحيط السدّ، والجوائز رح تتوزع بحفل الختام نهار الأحد الساعة 7 المسا.
ولأن النشاط بيحمل إسم Extreme Energy ما بيغيب عن بال المنظمين الExtreme Sports والأساس فيها هي ال Bunji Jumping فوق الميّ من على إرتفاع 80 متر ليعيش المشاركين شعور المغامرات مع فريق من المتخصصين يلّي بيهتموا بأدق شروط السلامة العامة، مع فرصة لإستكشاف كسروان وشبروح وفارايا من فوق عبر المنطاد يلّي رح يرفعكن بسما لبنان وهيك بتعرفوا ليش قالوا عنو قطعة سما عالأرض.
Extreme Energy بيغطي كل الأعمار والأذواق، كرمال هيك لمحبين التخييم بالطبيعة رح يكون في مخيّم تحت النجوم، وبنفس الوقت بالساحات حول السدّ رح يتوزع عارضين لكل أنواع المأكولات. وولادكن رح يلعبوا بالمنطقة المخصصة لإلهن ورح يحضروا مسرحية kazadoo نهار السبت 12 آب الساعة 6 مساءً.
نصيحة لكل المشاركين ما تفلوا بكير لأن كل يوم رح ينختم بسهرة للصبح مع DJ ومطربين، فمثلاً ليلة الجمعة 11 آب رح تكون By Palms والفنان برهان الشعّار، أما السبت 12 آب فرح تكون مع 8ème artيلّي رح يقدمولنا الفنانين فرج حنا وتامر نجم. والأحد ختامها مسك by elefteriades ومع الأسطورة طوني حنا وبلال The Gipsy Prince والمطربة فاديا نجم.
من بعد كل الأزمات يلّي مرقت بلبنان عموماً وكسروان الفتوح خصوصاً، إن كانت صحية أوإقتصادية أوإجتماعية أوسياسية، بيبقى الفرح والترفيه أساس بهل بلد يلّي شعبو بحب الحياة والحياة بتلبقلو، كرمال هيك إجت هل فكرة وكمّلت على مدى 3 سنين، وكل سنة أنجح من يلّي قبلها. ومكملين فيها إيماناً من جمعية لَ كسروان بضرورة إعادة الحياة وتنشيط الدورة الإقتصادية بجرد كسروان، هل منطقة يلّي بقيت تاريخياً مقصد السواح وأساس للمهرجانات. كونوا كثار لنفرح ونغني ونعيش المغامرة وننقل لكل العالم صورة لبنان الحقيقية، صورة لبنان يلّي ما بموت برغم كل الصعاب.
الكلمات الدالة
يتم قراءة الآن
-
حزب الله يدشّن أولى غاراته الجوية... ويواصل شلّ منظومة التجسس ترسيم الحدود مع لبنان ورطة اسرائيلية... و«مقايضة» اميركية في رفح!
-
واشنطن تريد رئيسا بين تموز وايلول وكلمة السر بين بري وهوكشتاين جلسة «النازحين»: العبرة بالتنفيذ وتجاهل الهبة وتوصية من 9 نقاط مفاوضات القاهرة فشلت والمقاومة تدك القواعد العسكرية بعشرات الصواريخ
-
الشيطان النووي في الكابيتول
-
توقيت لقاء نصرالله – الحيّة... هل من استراتيجيّة جديدة؟ خشية "إسرائيليّة" من الأسوأ بعد "العمى" على الحدود!
الأكثر قراءة
عاجل 24/7
-
09:50
سلسلة غارات جوية عنيفة تسمع الان في المناطق الجنوبية وخصوصاً المنطقة الساحلية
-
09:45
التحكم المروري: انتهاء تجمع الشاحنات على ضهر البيدر وجسر المديرج وحركة المرور طبيعية بالمكان
-
09:43
آليات الاحتلال المتقدمة إلى مدخل بيت حانون شمالي قطاع غزة تواصل محاصرة مراكز الإيواء، وتكثف إطلاق النار تزامنا مع توسيع توغلها داخل مخيم جباليا شمال قطاع غزة.
-
09:43
قصف مدفعي في محيط مستشفى كمال عدوان، وعلى منطقة الفالوجا بمخيم جباليا شمال قطاع غزة، وغارات "إسرائيلية" على حي القصاصيب بمخيم جباليا، وقصف مدفعي على منطقة بئر النعجة غرب مخيم جباليا.
-
09:42
الشرطة "الإسرائيلية": اعتقال فلسطيني من بلدة سلوان في القدس بتهمة دعوته إلى العنف والتحريض على الإرهاب.
-
09:40
إعلام العدو: يُظهر حزب الله قدرات جديدة ضد الجيش “الإسرائيلي” الذي يواجه صعوبة في التعامل مع تهديد الطائرات المسيّرة حيث أعلن حزب الله أمس بأن الطائرة بدون طيار والتي ضربت مركبة في موقع المطلة أطلقت صاروخين تجاه الهدف قبل أن تنفجر